Türkiyeniñ şimaliy-ğarbındaki Kocaeli eyaletinde Rusiyeniñ "Orlan-10" pilotsız uçağı tüşti, dep bildire memleketniñ İç işler nazirligi.
"İstihbarat ve közetüv içün qullanılğan Orlan-10 tipinde Rusiyede yapılması tahmin etilgen uçucısız uçaq tapıldı", — dep aytıla haberde.
Uçaq İzmit rayonınıñ Çubüklubala rayonında tapıldı. Türkiye neşirleriniñ bildirgenine köre, uçucısız uçaq köyde tüşti, yerli sakinler onı aman-aman zararlanmağan alda tapqanlar.
Türkiye İç işler nazirligi vaqianı tahqiq ete.
Dekabrniñ 15-nde Türkiye arbiyleri Qara deñiz üzerinde Türkiyeniñ ava boşluğı tarafına uçqan belli olmağan pilotsız uçaqnı urıp tüşürdiler. Uçaqnı toqtatmaq içün F-16 uçağı köterildi. Arbiyler, uçaq kontrolden çıqtı, dep qayd etti.